清远游

上个星期..公司终于组织去旅游拉.一年一度喔..不过地点好近..(真系孤寒)只系去清远漂流..经过一个半钟头既车程..终于到达目的地拉.第一个活动:行山..好玩程度:一d都唔好玩...岩黎到就要行山..超无聊,虽然话途中有会d吊桥..不过始终觉得唔好玩.仲要俾太阳晒住..不过一路都可以见到d漂流而过既人...好似好刺激甘.成日听到d尖叫声..好辛苦甘行到山上.都未休息下就搭车落山拉.都唔知甘辛苦行上去系为左咩.....只系为左落山?第二个活动:漂流好玩程度:刺激..行完山,就去解决肚仔问题..吃完之后..就开始去漂流拉..oye..紧张又想玩..呵呵..见到d人系身边飘过..好似有d恐怖甘..武装好之后(漂流必须穿救生衣同带头盔..穿左好样衰噶,好似去打仗甘.)坐上汽船,就出发拉...哇...刺激得济拉.每一个道就会有好多落差.好危险下噶,一定要抓实个汽船,如果唔系就会成个人飞出去噶拉.一落去,d水就会溅起身,因为水流好急..我次次都俾d水整湿,有几d水向住我噶鼻冲入去,仲有耳仔..搞到我噶鼻好酸,好辛苦.不过好快就无事..中间都会有d无水流既地方,系果度只船就动唔到拉.要等d水慢慢流落去先得.岸边都会有人员负责用条长棍勾我地既船落去既.但系我同nico既船黎岸边太远拉.所以就一直动唔到,停系度.点知,停系附近d船既人就玩起水仗...我同nico真系惨,俾d三唔识七既人博命泼水...呜呜...真系惨.跟住我地就还击拉.可惜我地无买勺子..人地都有买既.可以用黎打水仗.无奈之下,我地将我地既头盔除低,罗黎还击..哈哈..又几好玩噶喔.一路上同左唔少人打水仗,好搞笑,都好好玩..不过漂完流之后,谂翻起d水都觉得后怕....因为d水好污糟啊..黄甘甘既...听同事话,距之前去果个玄真漂流d水好清嘎....呢个九道谷漂流d水甘黄,甘污糟..唉..唔理拉.刺激,好玩就ok拉.第三个活动:泡温泉.好玩程度:爽..oye...嘻嘻..我地期待已久既温泉啊..吃完晚饭之后(同中午果餐d菜一样既?)..我地就向温泉出发拉.听讲系清远最大既温泉度假村:清新温泉哇...环境真系几ok喔.换好衣服..要泡咯.原来里面系有好多唔同既温泉既.有低温既,都有高温既.每个泉既温度都唔同..我地呢个泡下,果个泡下..好爽啊.以前成日睇电视见到人地泡.而家终于亲身体会拉...哇哈哈...不过感觉好似泡系泳池度甘,只不过d水系热既.如果d泉水好热既话,唔好泡太耐啊.我地系一个三十几至四十几既泉度泡左一阵起身,即刻就觉得有d晕晕拉.好似好唔舒服甘..后来我地选左一个温温d既泉黎泡,泡左好耐..我地竟然当正系泳池度甘,系度学游泳...哈哈..甘岩有个同事识游,我地要距教..不过可能我太蠢拉,学极都学唔识...仲饮左几啖泉水..呜呜..后黎有d色男都系呢个泉度泡,距地见我地唔识游水,竟然取笑我地,搞到我地唔敢再游拉.距地走阵时仲有专登系我地面前游黎游去,系度刺激我地.晕..好彩系晚黑,距地见唔到我地既样...如果唔系真系淤...浸完之后,成个人都觉得好舒服喔..浸完温泉,就翻旅馆休息拉.晕.....准二星级既酒店...一个字:差...到左第二日.最后一个活动:游小北江好玩程度:无得玩踏上游小北江既船..准备绕小北江一圈.其实呢个活动...应该只系俾我地影相..同可以买d牌黎打..江边都系d山..我地要系绕江一圈既时间里面解决最后既一餐..又系寻日果d送...系又船家整既农家菜..味道..真的不怎么样..d时间真系岩岩好..岩吃完饭.就已经绕完一圈.到岸拉...到左岸..就系我地搭车翻广州既时候拉... 关键字： 公司 清远漂流